Paroles de ' Nu Sta Forti (feat. Ghettoroots, Harley KSD, Landim, Stayreal X, Ricaasszz 200n, Xina Rbl, Pilitchi, Timor Ysf, Loreta Kba, Ne Jah & Vado Mka) ' par Apollo G

Krimi li sin, na nos país, sta un filmi di trror, asustador
Trafikantis 'a ta dadu kana di 5 violador
Pulísia kada bes piór
É ka seguransa k'es 'a ta da-nu
Es 'a ta mostra-nu rankor
Es ta diferensia nos kor
Es ta svazia karegador
Dipos es ta inventa es ta justifika kel ki pa es é midjór
Txeu algen ta sufri ku kes injustisa na nos redor
N ka ta imajina mó k'es ta vivi, k'es 'a ta guenta kel dor
(Kes 'a ta guenta kel dor)
Nhos fla-m si trabadju k'es 'a ta dadu
S'es ta inxinadu ta mata
É un fidju di algen, é un pai di família k'es ta tra vida du nada
Justisa makabra, abuzu poder superioridadi di un farda
Nu teni di uni tudu soldadus, kel mérda li ten ki kaba

Branku o Afrikanu sima bo, ka bu julga e i ajuda ma si bu podi
Pamodi tudu nos nu dadu un vida, ma un vida ki nu ka skodji
Nha povu, pa nos es ka ta djobi, más union na dias di oji
Tudu k'es ta planta, un dia es ta kodji, ka bu skesi ma nu ben di lonji
Odja-m déntu odju, fla-m kuzé k'u ta odja, nu kria na rua, I'm a Street Soudja
Sistéma fazi tudu k'é pa kebra nhas aza, pa ka dexa-m bua es pega korta
Fórti N fla-u ma nha vida é nha skolha, fórti fla-s ma mundu ta roda
Sénpi k'es tenta puxa-m pa baxu, más fórti N sa volta
N kre pas, justisa, igualdadi, ma di verdadi já o agóra
Getu dja sta fartu di ripiti kel frazi: Rest in peace, mama ka bu txora

Txoru ta spanta-u na madrugada
Más un di nos ki dja es mata
Família di lutu na kasa
Es ben invadi ku máskara
Fórti sufri ka ta kaba
Más fórti fé ki ka ta kaba
Si bu mexi ku vulkon, bu ta manxi ku lava
Bu ka kulpadu pamodi bolsu o so pamodi nderésu
Kel-li ta bai pa tudu nos gentis dretu ki ta vivi na getu
Rua é nos parlamentu, reason podi ser violentu
É txeu prublémas pa déntu, k'es ben ignora ku ténpu
Sidadi lumi a branku i pretu, sangi inda sta na béku
Si bu kre vivi bu vida, bu ten ki ta móri pa bus diretu
Tudu zóna ten un Moniz
Ratu zóna rest in peace
Pa nos zónas, nos minís

Anos ta pasa nada ka ta muda, txeu gritus di revólta li ntaladu
Dja sta na óra di nu sai pa rua nu bati di frenti, konsiénsia djunta soldadus
Nen bu ka sabi mó ki mama ta xinti! Inda nen ma manxi si fidju foi mortu
Na mon di rasistas, stremista ka gosta nos rasa pretu, es kre kaba ku el moku
Dia pa dia. N ta manxi ku sangi más friu
Sen vontadi ri, so fastiu
Es teni raiva di nos rasa pretu, es po-nu na bairu p'es kasa
La vie c’est dure, N sabi, mon frere, es teni gana di odja-nu la déntu
S'é ka na kaixon, é tras di gradi, nu sta na fin di ses siklu perpétu

Nha família frontadu pamodi es ka sabi si un dia N ka ta txiga kaza
Purtugal sta mariadu, es ka sta papadu trokadu abuzu di farda
Juíza kaladu, es kre-nu npatadu, purisu ki ti oji es nbala
Es ta surfa pa nu sai ta praga
Fla-s ma txuba ten pa tudu kaza
Pretu o branku, k'o perdi speransa, si bu luta diretus bu ta atxa
So union ki ta po-nu ta ganha, konkistas grandis pa nu podi nbarka
Violénsia na rua ten ki ta kaba
Nu ten ki segura futuru kriansas
Nxina-s ma governu ses luta ka ta tadja
Mostra-s kaminhu sértu p'es prendi batalha
Ma so ku palavra, atitudi na sonbra ton faxi ta ataka
Djobi mó k'u kre dexa bu marka
Sen bu da konta, ténpu 'a ta pasa
Bu ten ki ta inpoi p'es ka kema bu kaza
Nu sta fartu disgrasa, nu sta fartu disgrasa

N manxi sedu ta tenta survive, nu 'a ta djobi pa life
Tuga ten poku saída, N ta vivi sénpri na pónta di knife
N konxi rotina, tudu dia é un fight
Ta tenta organiza, pamó nu ka sta na paradise
Anus dja pasa, ma sima ki nu volta na ténpu
Ses raiva ka pasa ma ta po-s ta mata na momentu
Es ta uza farda, ma tanbi es ta xinti medu
Es ta mata pur nada óra ki ses frenti sta un pretu
Anos é tudu igual, nhas brota, ka inporta kor
Kantu di nos ki matadu pa kes agresor?
É ka so bo, é tudu nos ki 'a ta xinti dor
É tristi povu ta sufri, povu trabadjador

Io, nu para nu pensa
Imajina si nu fazi u memu, si nu paga sénpri na memu muéda
Imajina si nu djunta mon, nu djunta zónas, un xis di dredas
Fla-m, brotha, fla-m s'es ta guenta
Fla-m, sen medu di rabenta
Sta na óra di nu fazi u memu, pui pániku sen ténpu pa lamenta
Es ten medu pa nu djunta nos tudu, es ta pensa ma tuga é so di ses
Akredita nu ta domina mundu, nu ka teni medu ninhun d'es
Es kre po-nu nigga la fundu, pa nunka ka txiga nos bes
Nu sta djuntu pa karega lutu, i nu ka ta skesi ninhun d'es

N sa ta kóri pa mi, sa ta buska nha pas
Pamó kuza pa li sa pagadu ku dor?
N sa ta kóri pa mi, sa ta buska nha pas
Pamó kuza pa li sa pagadu ku dor?
N ka ta imajina dor di família, ta txeka video mó ki matadu
Deta pa sunha, korda spantadu, es fla: Lei di vida eradu é kobradu
Na tudu rua kanpu sta minadu, soldadu, bro, kóri pa bu ka pegadu
Sen ténpu kexa, nu djunta mon, i kel k'es da-nu é kel k'es ta dadu
So kuidadu na undi k'u ta piza! Cops ta roda ta fazi vijia
S'es atxa-bu, nha nigga, es ta linpa
Es é kobra, es é fake, es é killers
Leba Kuku, es leba Musso, es leba Odair, es leba un parti
Fla-m pamodi ki so nhas niggas ki ten ki sufri na mon di babi

Ti na óra di vensi, sima ki nu perdi
Sistéma ta fulha ses kana na getus
Na spera ma nu ta mordi isku mó pexi
Eiiii eiiii
Dja nu sufri dimás di fika ta lamenta
Sta na óra di muda o di móri ta tenta
Vida sénpri baza-nu bafatada memu sen nu piza ku dos pé na skuadra
Pa kes ki ka sufri kel kuadra ki nkuadra, eii, eii
Es ta tapa, es ta mata
Saku pretu karega na maka
Es ta kontenti ku txoru di mama
Txorus ben di barakas
Txorus ben di barakas
Ei, aian
Dexa-m ben fla-u ma vida é ka si
Kes fardadu dja leba metadi di mi
Tudu óra ki nu sufri, es ta fika ta ri, a a
Desdi putu k'es ta mata manus
Es teni un S di street na kanus
Ses alvu é pretu ku branku Siganus

Nha trópa liga en plena madrugada, e fla-m ma bofia mata más un manu
Ta faze-m lenbra son ki N fazi kuandu éra putu a más di 14 anu
Nu ten ki sera kasadera kanu, antis d'es serka-nu
Ti modi es ka ta odja-nu komu ser umanu
Tipu ki mata-nu bira kotidianu, sa ta parsi un planu
Primeru es komesa masakra Berdianu
Dipos ses rasismu vira pa Siganu
Gósi é Musulmanu ku Indianu
Es pasa un munti anu ta odia-nu
Eiiii
Nómi di partidu é CHEGA, parse-m ma chega di sta tudu partidu
Es 'a ta uza farda p'es podi mata, inda nos k'é bandidu?
Kemaaaaaaa, rua 'a ta pega lumi
Xama sa ta konsumi
Raiva ki nhos pui na mi

N ta pidi Lord na final di dia: Faze-nu na prova di bala
Izalta kenha k'es umilha, pa vós di koitadu labanta
N ta jura nhos ma final di dia nos tudu ta volta pa kaza
Konsola pértu di família, lamenta kes ki ka ben kaza
N ta pidi Lord na final di dia: Faze-nu na prova di bala
Izalta kenha k'es umilha, pa vós di koitadu labanta
N ta jura nhos ma final di dia nos tudu ta volta pa kaza
Konsola pértu di família, ai ai ai
Di madrugada mi korda spantadu ku djatu vizinha pamodi si fidju
N obi na béntu kel txoru maguadu, mama sa ta txora dja-s mata si fidju
Maninhu ma nobu ta txora ta djata, pamodi sistéma dja mata maninhu
Maninhu ma nobu nunka pensa mata, gósi e ten ki mata, kel-la sta fudidu
Petu ta kema, getu ta kema tudu pamodi puta di sistéma
Pretu es ta kema i nos nu ta repa si fosi nos algen li dja moreba
Fartu esa mérda, pa mi es ta kema, branku ku pretu nu djunta na géra
Txoma Indianu, txoma Siganu, fla-s ma Loreta si kanu dja sera
Géra pasadu N staba mi so, mi so na géra mi pensa nha fin
N djunta pa manu k'es mata sem dó, N ka ben mi so, N ben fazi motin
N ka ben ku papus di beju i da mon, N ben fla nhos ma komesu é li sin
Safoda farda, fuck bongo, kada bes ki N txora, pa un d'es odja fin

N teni dor, N teni ódiu, txeu revólta déntu di Six
Es leba Musso, es leba Teti, gósi dja-s leba nha primu Odair
Pa nha bro ki pulísias dja leba, o, nha mon dja sta fartu di aljema
Tantu ódiu pa déntu ta kema, fla-m si mata un d'es tanbi si N sa ta peka
O, Nhor Deus na ki mundu es ta vivi? Es ta mata, es ka ta ba kadia
Revólta dun fidju modi ki ta kria? Kuzé ki N ta splika na nhas sobrinha?
Fartu abuzu mata inosenti
Ninhun mai déntu getu kontenti
Mágua na vida, fótu na paredi
Nu ta txora di raiva sen fómi, sen sedi
Nos dor ningen ka ta konprendi
Ódiu dimás di pulísia ku ajenti
Kabesa na gas, so ta txora nhas genti
Poku motivu p'o odja-m kontenti
Infelismenti, N teni ki ta fla nhas putu ma rasismu inda izisti na ses menti
Nu ta luta dés bes más
Nos k'é di getu odjadu diferenti!